मंगलबार , साउन १२, २०७८

टुटल र पठाओले सेवा थाल्दै

असार ७, २०७८ सोमबार 116

काठमाडौं । सार्वजनिक यातायात नखुले पनि राइड सेयरिङ कम्पनी पठाओ आज रातिबाट र टुटल भोलिबाट सञ्चालनमा आउने भएको

छ । निजी सवारीसाधनमा सरकारले लगाएको जोरबिजोर प्रणाली अनुसार नै टुटल र पठाओलगायत राइड सेयरिङ कम्पनी सञ्चालन हुने भएका हुन् ।

टुटलका सीईओ शिक्षित भट्टले सरकारको नियम अनुसार भोलिबाट टुटल सञ्चालन गर्ने बताए । उनले भने, ‘सरकारले बाइकलाई जोरबिजोर प्रणालीमा

सञ्चालन गर्न अनुमति दिएको छ । सरकारको जोरबिजो प्रणाली अनुसार नै टुटलले सेवा दिने छ ।’ बाइक सञ्चालन हुने भएपछि राइड सेयरिङ कम्पनीहरूले

पनि सेवा भोलिबाट सुरू गर्ने भट्टले बताए । पठाओका क्षेत्रीय निर्देशक असिममान सिंह बस्न्यातले आज रातिदेखि पठाओ संचालन हुने बताए । उनले भने, ‘पहिलेको भन्दा पेट्रोलमा

प्रतिलिटर २५ रुपैयाँ वृद्धि भएको छ । हामीले भाडा बढाउन पनि छलफल गरिरहेका छौं । तेलको मूल्य धेरै बढेको कारणले अब भाडा पनि वृद्धि गर्ने तयारीमा हामी छौं । कति वृद्धि गर्ने भन्ने विषयमा छलफल चलिरहेको छ ।’

प्रतिकृया दिनुहोस्