मंगलबार , साउन १२, २०७८

अन्तिम खेलअघि नै फ्रान्स र इंग्ल्यान्डसहित चार टिमको अन्तिम १६ मा स्थान पक्का

असार ८, २०७८ मंगलबार 170

युरो २०२० मा अहिलेसम्म तीन समूहका खेल सकिएका छन्। तीन समूहबाट समूह विजेता र उपविजेता गरी ६ टिमको अन्तिम १६ मा पुग्ने टुंगो लागिसकेको छ।तीन समूहका खेल सकिएपछि अन्तिम खेलअघि नै चार टिम र समूह चरणको सबै

खेल खेलेको एक टिम गरी थप पाँच टिमले पनि अन्तिम १६ मा स्थान पक्का गरेका छन्।समूह ‘ए’ बाट स्विट्जरल्यान्डले उत्कृष्ट तेस्रो टिमको रूपमा अन्तिम १६ मा स्थान बनाएको छ। तेस्रो भएको स्विट्जरल्यान्डले ४ अंक जोडेको छ।

समूह ‘डी’ बाट चेक गणतन्त्र र इंग्ल्यान्डले पनि अन्तिम १६ मा स्थान पक्का गरेका छन्। अन्तिम खेल खेल्नुअघि चेक र इंग्ल्यान्डको ४-४ अंक छ। दुवै टिमको अन्तिम खेलअघि कम्तिमा उत्कृष्ट तेस्रो स्थान पक्का भएसँगै अन्तिम १६ मा पुगेका हुन्।

यस्तै समूह ‘ई’ को शीर्ष स्थानमा रहेको स्विडेन र समूह ‘एफ’ को शीर्ष टिम फ्रान्सले अन्तिम खेलअघि अन्तिम १६ मा स्थान पक्का गरेका छन्। दुवै टिमले अन्तिम खेलअघि ४-४ अंक बटुलेका छन्।फ्रान्स र स्विडेनको पनि अन्तिम खेलअघि उत्कृष्ट तेस्रो टिम हुने पक्का भएकाले अन्तिम १६ मा पुगेका हुन्।

यससँगै ११ टिमले अन्तिम १६ मा स्थान पक्का गरेका छन्।
अब तीन समूहका अन्तिम चरणका खेलपछि अन्तिम १६ मा पुग्ने ५ टिमको टुंगो लाग्नेछ।अन्तिम १६ मा ६ समूहका शीर्ष २-२ टिम गरी १२ र उत्कृष्ट तेस्रो हुने ४ टिम पुग्ने प्रावधान छ।the

प्रतिकृया दिनुहोस्