मंगलबार , साउन १२, २०७८

आजबाट जीवन विकास लघुवित्तको आईपीओमा आवेदन खुला

असार ११, २०७८ शुक्रबार 306

जीवन विकास लघुवित्त वित्तीय संस्था लिमिटेडको रु. १९.७७ करोडबराबरको आईपीओमा आज (असार ११ गते) बाट

आवेदन खुला गरिएको छ। संस्थाले जारी पुँजी ६० करोड ८४ लाख रुपैयाँको ३२.५० प्रतिशतबराबर अर्थात १९ करोड ७७ लाख ३० हजार

रुपैयाँबराबरको आईपीओ निष्कासन गरेको हो। संस्थाले १०० रुपैयाँ अंकित दरका कुल १९ लाख ७७ हजार ३०० कित्ता आईपीओ निष्कासन

गरेको छ। जसमा ३० हजार ४२० कित्ता कर्मचारीका लागि र ९८ हजार ८६५ कित्ता सामूहिक लगानी कोषका लागि छुट्याइएको छ। बाँकी

१८ लाख ४८ हजार १५ कित्तामा सर्वसाधारणले खरिद आवेदन दिन सक्नेछन्। यो आईपीओमा लगानीकर्ताले न्यूनतम १० कित्तादेखि अधिकतममा

१ हजार कित्तासम्म खरिद आवेदन दिन सक्नेछन्। आईपीओमा नेपाल धितोपत्र बोर्डबाट स्वीकृति प्राप्त गरेका सम्पूर्ण आस्बा सदस्य बैंक तथा

वित्तीय संस्थाहरु र तिनका तोकिएका शाखा कार्यालयहरु तथा सीडीएससीको मेरो सेयर अनलाइन प्रयोग गरी सि–आस्बा प्रणालीमार्फ आवेदन दिन सकिनेछ।

जीवन विकास लघुवित्तको आईपीओ निष्कासन बन्द छिटोमा असार १५ गते र ढिलोमा असार २५ गते बैंकिङ समयपछि हुनेछ। आईपीओ निष्कासन

तथा बिक्री प्रबन्धकमा एनएमबि क्यापिटल लिमिटेड रहेको छ। मोरङको कटारी गाउँपालिका वडा नं. २ मा केन्द्रीय कार्यालय रहेको यो संस्थाको

आईपीओलाई नेपाल धितोपत्र बार्डले गत असार २ गते निष्कासन अनुमति दिएको थियो। आईपीओ निष्कासनका लागि यो लघुवित्तलाई इक्रा नेपालले

(इक्राएनपी–आईआर) बीबीबी रेटिङ प्रदान गरेको छ। यसले संस्था समयमा वित्तीय दायित्व पूरा गर्ने सम्बन्धमा मध्यम मात्रामा सुरक्षित मानिन्छ।

अर्कोसमाचार समता घरेलु लघुवित्तद्वारा हेलम्बुका बाढीपीडितलाई राहत सामग्री हस्तान्तरण

समता घरेलु लघुवित्त वित्तीय संस्था लिमिटेडले मेलम्ची खोलामा आएको भीषण बाढीले हेलम्बु क्षेत्रका विस्थापित परिवारलाई खाद्यान्नलगायत आवश्यक सामग्रीहरु सहयोग गरेको छ।

चामल, दाल, तेल, नुन, सोयाबिन, साबुन, सेनेटरी प्याड, त्रिपाललगायतका सामग्री हेलम्बु गाउँपालिका वडा नं. २ का वडाध्यक्ष छिरिङ गेल्बु लामालाई हस्तान्तरण गरिएको संस्थाले जनाएको छ।

संस्थागत सामाजिक उत्तरदायित्वअन्तर्गत बाढी प्रभावितहरुलाई यो विपत्तिको बेला थोरै भए पनि सहायता होस् भनेर राहत सामग्री सहयोग गरिएको संस्थाका प्रमुख कार्यकारी अधिकृत डा मदन घिमिरेले जानकारी दिए।

प्रतिकृया दिनुहोस्