मंगलबार , साउन १२, २०७८

गुरुङ फिल्महरु अब म्याक्स टिभीमा हेर्न पाइने, साउन १ गते मैंरिमो’ रिलिज हुँदै

असार १९, २०७८ शनिबार 100

काठमाडौं । मेगा म्याक्स टेलिभिजन प्रालि र गुरुङ फिल्म वितरण कम्पनी मुनाल फिल्म्स प्रालिबीच फिल्म प्रदर्शन सम्झौता

भएको छ । सम्झौताअनुसार साउन १ गतेदेखि गुरुङ फिल्महरु मेगा म्याक्स टेलिभिजन नेटवर्कको च्यानलमा हेर्न पाइने भएको छ ।

दर्शकले म्याक्स टिभीको च्यानल नम्बर ७७७ मा फिल्म हेर्न पाउनेछन् । मुनाल फिल्म्स प्रालिका अध्यक्ष भोजबहादुर गुरुङ र टिभीका

तर्फबाट कानूनी अधिकृत शम्भुकुमार आचार्यले सहमतिपत्रमा हस्ताक्षर गरेका छन् । पे-पर-भ्यूको आधारमा दर्शकले फिल्म हेर्न

पाउने भएका छन् । साउन १ गते भोजबहादुर गुरुङ निर्देशित फिल्म मैरिमो म्याक्स च्यानलमा प्रदर्शन हुनेछ । कोरोना महामारी

अघि फिल्म हलमा रिलिज भएको यो रोमान्टिक ड्रामाले बक्सअफिस सफलता प्राप्त गरेको थियो । ‘मैरिमोको सफलताका आधारमा

हामीले अन्य गुरुङ फिल्मलाई पनि प्रदर्शन गर्ने तयारी गरेका छौं’ गुरुङ फिल्म एसोसिएसन (जिफान) अध्यक्ष समेत रहेका भोजले

भने, ‘महामारीको समयमा दर्शकसामु फिल्मको पहुँच पुर्‍याउन यो उपयुक्त माध्यम ठानेका छौं ।’ मुलुकभर मेगा म्याक्स टिभीका पाँचलाख ग्राहक छन् ।

प्रतिकृया दिनुहोस्