कुरा बुझ्न पर्चः कीर्तिमानमाथि कीर्तिमान राख्दै १५ दिनमै एक करोड भ्यूज
2021, August 22nd, Sunday

Puja Sharma

काठमाडौं : प्रकाश सपुत आफ्नो संगीतकर्मको उच्च फर्ममा छन् । आजकाल उनले जे छोयो त्यही हिट हुन्छ । पछिल्लो उदाहरण हो ‘कुरा बुझ्न पर्च’ ।

सपुतको सिर्जनामा गायिकाद्वय समिक्षा अधिकारी र शान्ति श्रीले गाएको यो गीत एकपछि अर्को कीर्तिमान रच्दै अघि बढेको छ । सार्वजनिक भएको १३ घन्टामा ट्रेन्डिङ १ मा

पर्न सफल यस गीतले २४ घन्टामा १० लाख भ्यूज कटाएको थियो । १५ दिनको छोटो समयमा गीतले एक करोड भ्यूज कटाएको छ ।अहिले पनि यो गीत नेपालमा युट्यूवको १ नम्बर ट्रेन्डिङबाट तल ओर्लेको छैन ।

१५ दिनसम्म एउटै भिडियोले एक नम्बर स्थान ओगट्नु पनि दुर्लभ कीर्तिमान हो । गीतमा १० हजारभन्दा बढी प्रतिक्रिया आइसकेका छन् । अधिकांश प्रतिक्रिया सकारात्मक छन् ।

‘कुरा बुझ्न पर्च’ मा प्रकाश सपुतको शब्द र संगीत रहेको छ । गीतको भिडियोमा नायिकाद्वय स्वस्तिमा खड्का र आँचल शर्माले अभिनय गरेका छन् । गीतलाई जस्तै भिडियोलाई नि

दर्शकले मन पराएका छन् । टीकटकमा यो गीत भाइरल छ ।सपुतले आउँदो तीजलाई लक्षित गरी यो गीत सार्वजनिक गरेका हुन् । यसले नारी सशक्तिकरणको वकालत गरेको छ ।

तपाईको प्रतिक्रिया